INFO+:Euskal Herri guztian ez dago “Belatz kapitaina” izeneko karrikarik, ezta sikiera haren sorterria den Iguzkitzan ere. Hortaz, mural honetan gogora ekarri nahi izan dira bai bera, Amaiurko alkaidea izan zena, bai haren semea (aitarekin batera pozoindua hil zena) eta bai garaiko amaiurtar pare bat ere: Laurentxina Salaberri eta Nabartto Elizalde. Orduko erregearen aipuak laburbiltzen du pertsonaia haien guztien grina: “Jaun Jakue Belatz, zuk eta gure nazioko eta leinuko zaldun jaun horiek guztiek irabaziko duzue ezein naziok sekula irabazi ez duen ohorerik behinena” (1522/07/12; Amaiurko Gutunak).Gainera, “Jeiki jeiki” abestia ere agertzen da mural honetan, garaian Frantziaren eta Herbehereen arteko gerrari erreferentzia egiten zion kantua baina gerora euskal abertzaletasunak bereganatu eta herrikoi bihurtu zuena.