INFO+:2014an, ordura arteko azken uholde haundiaren (1913) ehun eta bat urteren bueltan, Baztan errekako urek berriz ere bailara astindu zuten. Hasierako hondamendiari laguntzak segitu zion eta bizilagunek gogor egin zuten lan, auzolanean, normaltasunera edo bueltatzeko. Ikaragarria izan zen herritar guztien elkarrekiko laguntza, babesa eta zaintza. Egun haietan pasatutakoa goraipatzeko asmoz, mural hau ere auzolanean egin zen. Esku bat ageri da bertze bat laguntzen eta “Auzolanean herri bat gara” testuak borobiltzen du irudia.