INFO+:“Palestina Eguna” egin zen Elizondon eta orduan margotu zen mural hau. Lehendabiziko planoan kufiya (zapi palestinarra) duen neskatiko bat ageri da eta ondoan hainbat andre olibak biltzen, zuhaitzak, eta bereziki olibondoak, direlako palestinarrek lurrarekiko duten atxikimenduaren sinbolo nagusia. Inguruan Palestinako herria jasaten ari den etengabeko eraso-egoera erakusten duten hainbat elementu ageri dira: bonbak, hondeamakina eta israeldarrek sortutako harresi-hormetako zaintza dorreak. Joan-etorriek, lur-lapurretek eta erabateko kontrolak beren lurra eta bakea berreskuratzearekin amets egiten duen herri baten ilusioa zapuzten dute eta amets horren isla da atzekaldean olibondo-adarrarekin ageri den neskatikoa, muraleko bakearen sinbolo nagusia. Azkenik arabieraz eta euskaraz idatzitako esaldi bat dago: Palestinara itzuliko gara.