INFO+:Mural hau Jo ala Jo elkartearekin eta herriaren babesarekin egin zen. Baztango herri honen kulturaren zati haundi bat irudikatzen du muralak: alde batetik, Arizkungo sagar-dantza ageri da, sagarrekin eta sagardoarekin zerikusia duena. Horri lotuta, sutan dagoen kirikoketa dugu, egur bakar bat pisoiekin joz erritmoak eginez. Hortik sagardoa ekoitziko da, azken urtetan Dolarean berreskuratu eta ikusi daitekeen bezala. Sua bera da herriko bertze elementu garrantzitsu bat: San Joan gaua urteko egun handienetako bat da Arizkunen. Akitzeko, ikusten dugun bertze elementuetako bat Hartza da, Arizkungo inauterietako pertsonaia ikonikoa.