INFO+:Lixutegi zaharraren gainean egindako muralean arropa garbitzen ari diren emakume baten eskuak ikusten dira eta aldi berean, hokek mendiak irudikatzen dituzte. Mendi horietatik, sinbolikoki, landare batzuk sortzen dira, emakume aunitzek hemen ere isilpean egindako lana baloratu nahi delako, landa-eremuan funtsezkoa izan baitzen. Zenbait irudi kostunbrista tartekatzen dira ere, ordutik gaur egunera arte egindako bidea irudikatuz.
Siloaren gaineko muralak berriz, bizitzari, edertasunari eta zailtasunei omenaldia egiten die. Arrosak erakargarriak eta koloretsuak dira, baina arantzak dituzte. Hortaz bizitzako momentu mingarrienetako bati, maite ditugun pertsonei agur erran beharreko horri, keinu egiten dio.