INFO+: Mural honek hainbat elementu ditu, garrantzitsuena, behia. Landa ingurunearekiko eta lehen sektorearekiko loturaren isla da, ekoizpen ekologikoa duen esne-ustiategi estentsibo batean margotua baitago. Bertze elementu bat loreak eta hostoak dira, bertako landarediaren erakusgarri. Ohartu, gainera, aukeratutako koloreak LGTBI banderarenak direla: aniztasuna aldarrikatzen dute, landa-ingurunean ere. Bukatzeko, arrosa leihoa dago eta honako esaldia irakur daiteke: “Aniz: 11 etxe, 11 labe, 22 zutabe, bat bertzearen behartu gabe”. Esaldi honek Anizko etxeek zeukaten autogestio ahalmenari egiten dio erreferentzia.